Isaiah 11

Isainê wakuc ênam gôliŋ lau naêndêŋ

1Ŋasêli teŋ êlêc aŋga ŋakatuc Isai
ma ŋawakac teŋ êlêc sa.
2Ma Apômtaunê Ŋalau oc êsêp mêŋênsac eŋ ŋaô.
Eŋ Ŋalau kauc mêtêŋa to tajala gêŋŋa.
Eŋ Ŋalau êwa biŋ saŋa to Ŋalau ŋaclaiŋa.
Eŋ Ŋalau takip biŋ ŋam saŋa to tatêc Apômtauŋa.
3Eŋ oc êtêc Apômtau êtu ênê têtac ŋajam ŋam.

Eŋ oc êmêtôc biŋ êpi gêŋ, taŋ mataanô gêlic naŋ atom
ma êkêŋ êwiŋ biŋ, taŋ taŋasuŋ gêŋô naŋ, paliŋ- paliŋgeŋ atom.
4Eŋ oc êmêtôc lau ŋasec nêŋ biŋ êndêŋgeŋ
ma êmansaŋ lau wapac nêŋ biŋ solopgeŋ.
Eŋ oc ênac wauc-wauctêna ŋa sêm awasuŋŋa
ma nê awajaô oc enseŋ lau alôb-alôb su.
5Eŋ ênac biŋ gêdêŋ êtu nê obo ênêc dambê palê
ma biŋ ŋaŋêŋ êtu nê ômbiŋkap.

6Kêam saleŋŋa to domba ŋalatu oc sêmoa sêwiŋ tauŋ
ma pusip saleŋŋa to noniŋ ŋalatu oc sênêc sêwiŋ tauŋ.
Bulimakao ŋalatu to lewe oc sêniŋ geŋ sêwiŋ tauŋ
ma ŋapalê sauŋ teŋ oc êwê êsêac.
7Bulimakao to iwa oc sê sêlêb êndêŋ tauŋ
ma nêŋ ŋalatu oc sênêc napaŋ-napaŋ tauŋ,
ma lewe oc êniŋ gêgwaŋ êtôm bulimakao.
8Ŋapalê dedec oc êtu dôa-dôa êŋgôŋ moacwêmnê gêsuŋ ŋaô
ma ŋapalê sauŋ oc êkêŋ lêma êsô moacmôsinê ic êna.
9Lau oc sêŋgôm tauŋ sec to sêlênsu tauŋ aŋga aêŋoc lôc dabuŋ atom,
gebe lau sêjala Apômtau kêtu tôŋ kêtôm gamêŋgeŋ
amboac dembom gêjam gwêc samucgeŋ auc.
Êndêŋ bêc ônê Isainê ŋawakac oc êtu ŋabelo teŋ êkô
ma lau samob sêlic
ma tenteŋlatu samob sensom to têtu kênac eŋ
ma ênê malac êtu gamêŋ towae.
10

11:11-16 Anôtô gêjac mata gebe ejoŋ nê lau ŋapopoc sa aŋga nom ŋagamêŋ samob.